Fólk er fífl, og vor í lofti

Ég var að tala við Andreu mína í síma áðan og við vorum að tala um lífið í blokkinni, búum báðar í blokk þessa dagana. Ég verð að viðurkenna að mér finnst blokkarlífið ekkert spes, ég er svo mikil prímadonna, auðvitað er til fullt af "góðum" blokkum en alltaf er einhver slúbbert sem hugsar ekki út fyrir hausinn á sér,  fólk er svo tillitslaust í dag, er einhvern veginn skítsama um allt og alla. Það er t.d. verið að bora með höggborvélum kl. 21:30 og líka 22:30, mér finnst það tillitsleysi sérstaklega þar sem fólk veit að það eru fullt af börnum farin að sofa í húsinu. Ég tel dagana þangað ég verð minn eigin herra á ný  og þeir eru 111 eða vonandi færri.

Þegar ég rölti frá bílastæðinu í vinnunni minni í morgun með gullmolann á leikskólann (sem er nánast í bakgarðinum í vinnunni minni) þá heyrði ég dásamlegt hljóð ......fuglasöng, ef þetta er ekki vorboði þá má ég hundur heita . Mér hefur liðið dásamlega í dag, það er svo bjart úti og það er ekki kalt úti, og ég fæ svona eins og vítamín í skrokkinn, mig langar að fara að gera svo margt, mig langar svo að þvo bílinn minn, en ég hef enga aðstöðu í dag, og ekki fer ég með kúst á hann. ég plata  út úr tengdapabba  mínum aðstöðu fyrir utan hans bílskúr ef þetta heldur áfram að vera gott.

ÞETTA ER YNDISLEGT LÍF

Allt undir control varðandi fermingarveisluna, vonandi erum við ekki að gleyma neinu sem skiptir máli.

Ég held að ég hafi fundið bjartsýnisgleraugun mín aftur í dag jibbí. Þau voru ekki langt undan.

Athugasemdir

[Dizzy (IP-tala skráð) 12.3.2008 kl. 09:26]

Hvað ég skil þig vel með blokkarlífið. Þó að nágrannar mínir á Austurströndinni hafi verið fínasta fólk þá er svo gott að vera í sérbýli. Ætli þetta sé af því að maður vill ekki hafa ókunnugt fólk svona "ofan í sér", vill hafa það í ákveðinni fjarlægð. Kannski er maður bara skrýtinn .

En ég mæli með barnaplötunni Fólkið í blokkinni, svona þangað til þið flytjið   http://www.tonlist.is/Music/Album/2176/ymsir/folkid_i_blokkinni/#0

Þú ert alltaf velkomin í bílskúrinn okkar, kannski aðeins lengra að fara en til tengdó:) en bara smá.

Lag dagsins, Vorið er komið..... af plötunni Algjör sveppur..... http://www.tonlist.is/Music/Album/1856/gisli_runar_jonsson/algjor_sveppur/#0

Hilsen

Dæs

[Marta (IP-tala skráð) 12.3.2008 kl. 12:59]

Fuglagargið er búið að vera viðvarandi í mínu húsi í allan vetur, sko enginn vorboði þar á ferð ef þú spyrð mig!
Ætla nú samt ekki að skemma fyrir þér vorfílinginn, mig er næstum farið að langa í labbitúr, það er sko merki um vorkomu hjá mér... (mig langar hins vegar mjög sjaldan að þrífa bílinn minn )

[Heiðrún Björk Jóhannsdóttir, 12.3.2008 kl. 17:49]

Já það getur svo sannarlega verið flókið að vera í sambúð með "fólki út í bæ", það þekki ég af eigin raun. Ég bjó nú á sínum tíma með miðbænum eins og hann leggur sig! Skinkan í samlokunni Barinn/Oliver. Vaknaði um miðjar nætur við dúffið á skemmtistöðunum. Og þegar ég heyrði í götusópurunum um kl 6 að morgni vissi ég að vorið var komið. Ég á varla orð yfir hversu fegin ég er að vera flutt úr skarkalanum í hlíðarnar, þó það hafi verið þægilegt og stundum rómantískt , á sinn hátt að búa í 101. Nú nýt ég þess að heyra fuglana syngja við píanó undirleik af efri hæðinni og rölta í bæinn og heimsækja fyrrum sambýlingana, miðbæjar rotturnar....      Heiða fyrrum rotta.

[Arndís Baldursdóttir, 13.3.2008 kl. 08:44]

Já fólkið í blokkinni Dæs, ég þarf að hluzta á hana.

Marta mín, já mikið skil ég þig vel, þessi sníkjudýr sem garga í þínu húsi eru ekki skemmtileg, ég væri búin að missa vitið það get ég sagt þér. Allt í lagi ef þeir tísta fallega á næsta húsi.

Heiða mín fyrrum rotta eð Píla Pína, já það er nú gott að þú sért sátt í hlíðunum, þetta er voða kósý hverfi, Marta er örugglega sammála okkur um það.

Þetta líf,  þetta líf.

[Þórdís Einarsdóttir, 14.3.2008 kl. 12:04]

Tilheyra Hlíðarnar ekki miðbænum?

Ég bý sko uppi á heiði, laangt frá miðbænum. Og ég hef aldrei búið í blokk (telst Engjavegur 21 nokkuð blokk?) nema nokkra mánuði á stúdentagörðunum. Þar reyndar heyrði ég þegar nágranninn á efri hæðinni prumpaði og sá á neðri hæðinni saug í nefið. Og allt þar á milli.

En 110 dagar eru fljótir að líða. Nema kannski þegar maður er að byggja.

Þ 

[Sóley Vet (IP-tala skráð) 16.3.2008 kl. 15:49]

Ég held að Engjavegur 21 teljist ekki blokk, ekki nema 2 íbúðir. Ég var að flytja þaðan eftir átta og hálft ár. Gott að búa á Engjaveginum.

p.s. Fríða Rún, til hamingju með daginn. Það er kannski eins gott að ég var búin að ákveða að koma ekki. Margrét Inga er búin að vera lasin síðan á miðvikudag, var svo lögð inn á spítalann á föstudagsmorgun og vorum við að koma heim núna rétt áðan.

Kveðja til allra.

Sóley