Herðapúðapopparar Arndízar

Hljómsveitin A-HA

Hljómsveitin frá Noregi sem er skipuð Morten Harket, Paul Waaktaar-Savoy og Magne Furuholmen. Þeir voru æðislegir og flott lögin þeirra.

Morten er fæddur 14. september 1959.

Take on me var held ég fyrsta lagið þeirra sem þeir slógu í gegn með. Svo fær maður svona kitl í magann þegar maður heyrir nafnið: The Sun Always Shines on T.V. Ég man nú ekkert sérstaklega eftir lögum með þeim en vissi alltaf af þeim. Og ég hef sko nokkrum sinnum sungið Take on me í Sing Star og náð öllum tónunum, því þetta er furðu erfitt lag, bæði farið hátt og lágt.

Rosalega flott myndbandið við það lag http://www.youtube.com/watch?v=RMWXyEHoN88

Maður fær plastbak af þessu myndbandi: http://www.youtube.com/watch?v=B1pb1IZcaiQ

Ekki má gleyma laginu Hunting High and Low, yndislegt lag.

Mér finnst Ingó í Veðurguðunum frekar líkur Morten.

Svona lítur Morten út í dag, flottur

Þá er þessu lokið vona að þið hafið haft gaman að.

Tónlistarplantan

 

 

 

Flottur dagur í dag þrátt fyrir veðrið

Það er afmælisdagur í fjölskyldunni minni í dag, duglegi og góði maðurinn minn á afmæli í dag og ætlum við að hafa smá "kaffi" fyrir þá sem droppa inn, ég get því miður ekki bakað köku fyrir hann en ætla að styrkja Brauða og kökugerðina enn einu sinni í dag. Ættingjar og vinir eru velkomnir í svarta húsið á horninu.

Sjáumst

Ps. ég er búin að finna gamla bók sem nördinn ég skrifaði 1986 upp úr útvarpi Vinsældarlista Rásar 2, þetta er fjársjóður, ég ætla að birta nokkra lista bráðum hér, með næsta poppara. Það fer alveg að koma að því, ég lofa. (alltaf svo mikið að gera)

Símenntun, elskaðu sjálfan þig

Ég er komin með Facebook síðu, alveg ótrúlega gaman að sjá hvað það eru margir á mínum aldri þarna, ég kann svo sem ekki mikið á þetta en það lærist. Og á einni viku hef ég eignast 60 vini, meirihlutinn af þeim er frá sama stað af landinu og ég.

Margt hefur verið í gangi hjá mér og mínum síðan síðast, ég fór t.d. á fund eða námskeið hjá Begga og Pacasi á fimmtudagskvöldið, þeir eru svo miklar dúllur, það var alveg ferlega gaman, þetta var hluti af viku símenntunar og þeir töluðu um lífið og tilveruna og lögðu sérstaka áherslu á að maður ætti að horfa í spegilinn, hafa alls staðar spegla og dást að sjálfum sér og finnast maður vera flottastur alveg sama hvernig maður lítur út, ég verð að viðurkenna að ég er oftast haldin þessari áráttu og ekki að ástæðulausu sem ég var Hégómastrumpur (þessi með spegilinn) í strumpaprófinu..

Beggi mundi eftir mér, frá því ég var lítil því við bjuggum hlið við hlið og ég lék mér við litlu systur hans til margra ára. Mér fannst fyndið að hann þekkti mig aðallega á svipnum frá mömmu, við erum greinilega býsna líkar mæðgurnar og er ég stolt af því að líkast henni. En hann mundi nafnið mitt líka.

Jæja nenni ekki meiru í bili, og já allir að kvitta hér fyrir neðan, bara kvitt kvitt og nafn.

Ps. herðapúðapopparinn frestast enn um einn dag enn .  

Blómið sem leggst brátt í dvala. Og hvað eru margir dagar til jóla ? Sjá talningu á síðunni

Flísar

Við vorum rosalega dugleg um helgina, flísalögðum nærri stærstu hliðina á húsinu.

Svo meiddi vinur hans Baldurs sig og ég hljóp af stað og datt kylliflöt, þegar ég felldi mig á bandi á leiðinni. Svo ég er með bólginn ökkla í dag og er heima í fríi því það er starfsdagur í leikskólanum hjá Baldri. Maður raðar bara í sig bólgueyðandi töflum og fer út að flísaleggja á eftir. Nota veðrið . Langt síðan maður sá þessa gulu síðast.

Svo fer næsti herðapúðapoppari að detta inn, líklega í kvöld barasta.

Blomst

Vindpappi ofl.

Set inn hér nýjustu myndir af slotinu, verið er að klæða það svo koma flísar utan á það.

Kemur vel út svona svart með hvítum gluggum og hurðum.

Svarta blómið

Hafa skal það sem hendi er næst....

......Og hugsa ekki um það sem ekki fæst.

Mig langar samt að geta bakað köku, ég er búin að hugsa um það að í dáldið langan tíma að það eru forréttindi að geta eldað og bakað og að geta hent í uppþvottavélina. Ég er búin að vera núna án þessara hluta í 89 daga. Ég er ekki að kvarta eða vorkenna mér yfir þessu því þetta er sjálfvalið, en þetta átti að vísu ekki að vera svona langur tími.

Ég er að vonast til að geta bakað jólasmákökurnar "heima".

Ég bakaði reyndar pönnukökur í gær fyrir heimilisfólkið mitt, þær eru alltaf fínar, upprúllaðar með sykri, og rjómapönnukökur líka meira að segja.

Við höfum lifað á of miklu skyndifæði á þessum tíma, ég ætla ekki einu sinni að reikna út hvað þetta hefur kostað að vera svona án eldhúss .

Í bökunarham

Meira...........um mig

Aðalnafn og miðnafn:  Arndís, það þarf ekkert ekkert með því, en ég var oft fúl af því að systkini mín hétu bæði tveimur nöfnum (þegar ég var yngri)

Ertu skírður í höfuðið á einhverjum? Já, móðurömmu minni.

Hvenær gréstu síðast? Mjög stutt síðan, hef aðeins verið í þeirri iðju sl. mánuði

Myndir þú vera vinur sjálfs þíns? Jahá, ég held að það sé gott og gaman að vera vinur minn

Áttu dagbók? nei

Beitirðu oft kaldhæðni? Það hefur komið fyrir, en ég er að venja mig af öllum svona vitlausum hegðunum

Færir þú í teygjustökk?  Aldrei fyrir mitt litla...ekki einu sinni þó ég fengi borgað

Uppáhalds morgunkorn: Jarðarberja Herbalife shake

Losar þú reimarnar áður en þú ferð úr skónum? Nei, ekki heldur þegar ég fer í, nota skójárn

Finnst þér þú sterk? Já ég er bæði nautsterk líkamlega og svo er ég rosalega sterk andlega þegar ég þarf á því að halda.

Hver er uppáhalds ísinn þinn? Emmess ís er góður, en bleikur í dollu með heitri karamellusósu

Skóstærð? 41

Rautt eða bleikt? Bleikt auðvitað, þeir sem þekkja mig vita að það er dagsatt

Hvað kanntu síst að meta í fari þínu? Hvað ég er feimin og ómannblendin

Hvað kanntu mest að meta í fari þínu? Innæið, ég er rosalega næm. Svo er ég fjallmyndarleg

Hvers saknar þú mest? Dánir: Pabba míns og ömmu Rögnu. Lifandi: Andreu og vinanna minna á Ísafirði

Hvernig eru buxur þínar og skór á litinn?  Svart.........kemur það á óvart ?

Hvað borðaðir þú síðast?  Bland í poka

Á hvað ertu að hlusta núna? Pál Óskar

Ef þú værir vaxlitur, hvernig værir þú á litinn? Bleikur með jarðarberjalykt ef það væri hægt

Uppáhaldslykt? Pink sugar

Hver síðasta manneskjan sem þú talaðir við í síma?  Andrea

Hvað er það fyrsta sem þú tekur eftir hjá manneskju sem þú laðast að? Tennur, hárlitur

Eftirlætisdrykkur? Egils appelsín

Eftirlætisíþrótt? Ha ha......íþróttir og ég, nei

Hryllingsmyndir eða "happy ending"? Algjörlega Happy ending, ég er svo væmin.

Hvernig er skyrtan þín á litinn? Oft hvít, en stundum svört.

Faðmlög eða kossar?  Fer eftir aðstæðum

Hvernig vaknaðiru í morgun?  Við faðmlag frá einum sætum fjögurra ára

Eftirlætis eftirréttur?  Frönsk súkkulaðikaka með rjóma og jarðarberjum

Hvaða bók ertu að lesa? Bíbí

Hvað horfðiru á í sjónvarpinu í gær? Singing Bee, á Skjá einum, mjög skemmtielgur þáttur

Uppáhalds hljóð? Rigningarhljóð í logni í tjaldi eða húsi

Rolling Stones eða Bítlarnir? Bítlarnir

Hvert er það lengsta sem þú hefur farið frá heimilinu?  St. John´s í Canada
 

Átt þú sérstakan hæfileika? Já hugsanir mínar eru sterkar og ég get dregið að mér hluti og aðstæður, og svo get ég sungið

Trúiru á ást við fyrstu sýn? Já, hef trú á að hugurinn sé þar að verki frekar en einhver sýn

Hvenær roðnaðiru síðast?  Man það ekki

Smá upplýsingar

Klukkið frá Mörtu

Fjögur störf sem ég hef unnið um ævina:

1. Fiskverkunarstúlka í Sund sf. í gamla daga hjá Dóra Hermanns, það var gaman
2. Á leikskólanum Hlíðarskjóli áður en ég átti börnin
3. Þjónustufulltrúi í banka  2006-2007
4. Ríkisstarfsmaður á skrifstofu 1996-2006 og frá 2007

Fjórar bíómyndir sem ég held upp á:

1. Mary Poppins 
2. Sound of music 
3. Stella í orlofi 
4. Sleeping with the enemy (langar alltaf að horfa á hana aftur, en verð alltaf dauðskelkuð

Fjórir staðir sem ég hef búið á:

1. Ísafjörður (fimm hús frá fæðingu)
2. Reykjavík (eitt ár) (þrjú hús)
3. Akranes (eitt ár)(tvö hús) 

Fjórir sjónvarpsþættir sem mér líkar:

1. Anna Phil 
2. Nágrannar
3. Íslenskir þættir með tónlist 
4. Horfi mjög sjaldan á sjónvarp, hangi frekar á netinu

Fjórir staðir sem ég hef heimsótt í fríum:

1. Kapmannahöfn  4 sinnum frá því árið 2000, þá fór ég fyrst út fyrir landssteinana
2. Spánn golf ferð 2002
3. Malmö, Svíþjóð 2008 
4. Canada (Nýfundnaland) St. John´s 2006

Fjórar síður sem ég skoða daglega fyrir utan blogg:

1. www.bb.is  
2. www.mbl.is
3. http://vedur.is  
4. www.vinnumalastofnun.is

Fernt sem ég held upp á matarkyns:

1. Heimagerð pizza
2. Píta með kjúklingastrimlum og grænmeti 
3. Heitfeng matarsúpa 
4. Soðin fiskur með rúgbrauði

Fjórar bækur sem ég hef lesið oft:

1. Ævintýrabækurnar þegar ég var barn 
2. Unglingabækurnar eftir Eðvarð Ingólfsson,  hann er sóknarprestur hér, frábær. 
3. Depill fer á grímuball (lesið oft í viku)
4. Karíus og Baktus gamla góða bókin (skemmtilegasta bók sonarins)

Fjórir bloggarar sem ég klukka:

Vill ekki klukka neinn 

Is there something i should know ?

Ó man, nú fæ ég flashback...... eða plastbak eins og einhverjum misheyrðist einhvern tímann.

Please please tell me now
Is there something I should know
Is there something I should say
That would make you come my way
Do you feel the same 'cos you don't let it show

Sætu sætu

Ég hélt mikið upp á þá og ég keypti Bravo blöð og safnaði svona plakatbútum af allri hljómsveitinni í fullri stærð, vá hvað það var flott, ég á allar úrklippurnar mínar og plakötin ennþá í möppu einhvers staðar. Ég hélt mest upp á Andy Taylor.

Góð plata.

Dætrum mínum báðum finnst ótrúlega fúlt að vera ekki af Eighties kynslóðinni, þær eru sko að fíla þetta allt saman í botn. Það var svo flott hárgreiðslan og fötin, af hverju eru ekki til tímavélar á hverju heimili??

Addie´s

 

Life on Mars

David Bowie er flottur tónlistarmaður þó ég hafi aldrei haldið neitt sérstaklega upp á hann, þá komst ég ekki hjá því að hlusta á hann því mjög góð vinkona mín hún  Sóley var og er mikill aðdáandi. Smá umfjöllun um hann:

David Robert Jones, fæddur 8. janúar 1947 pælið í því

David Bowie vakti fyrst athygli á sér haustið 1969 þegar hann gaf út smáskífuna Space Oddity, epískt rokklag sem fjallar um ævintýri Toms major í geimnum. Hann gaf svo út skífurnar The Man Who Sold The World 1970 sem var undir áhrifum metalrokks og svo popp/rokk skífuna Hunky Dory 1971. Þó að Hunky Dory hafi ekki vakið víðtæka athygli er hún oft talin með bestu skífum Bowie en á henni eru m.a. hin vinsælu lög Changes og Life on Mars. Árið 1972 gaf hann svo út The Rise and Fall of Ziggy Stardust and the Spiders from Mars, sem hann tók upp ásamt hljómsveit sinni The Spiders From Mars Sú plata vakti mikla athygli í Bretlandi. Auk þess vakti sviðsframkoma hans, klæðaburður og andlitsmálning líka mikla athygli.

Af „http://is.wikipedia.org/wiki/David_Bowie“

Takið eftir augunum á kappanum

Mér finnst lagið Life on Mars eiginlega flottast http://www.youtube.com/watch?v=ueUOTImKp0k

Bara flottur.